ما زال هاشتاج “مرفأ بيروت” يتصدر مواقع التواصل الاجتماعي بمشاركة العديد من الفنانين، وكان آخرهم الفنانة اللبنانية هيفاء وهبي.
وكتبت هيفاء وهبي، على إنستجرام، “اليوم الذكرى الأولى لعيد موتك يالبنان، اتغير المنظر اللي كنت شوفه من شرفة بيتي المطلة عليك يا مرفأ، كنت أوقف عالشرفة وشوف بيروت الحلوة، شوف الأضوية والناس عمتتمشى مبسوطة، هلا صار المنظر جرح”.
وتابعت في منشورها: “صرت شم ريحة وجع وصرخة كل شخص فقد غالي عقلبه بالانفجار، لكل طفل ولكل شاب ولكل صبية ولإلك يا سحر، لكم يا ملائكة بالسما بهدي وردة بيضا متل روحكم البريئة الي ما ذنبها، المنظر اتغير يا بيروت، بترجاكي ارجعيلنا يا حلوة اشتقنالك”.
وأكملت: “ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك.. يا سندنا ويا ضهرنا المكسور نحنا حدّك مارح نتركك لترجع توقف عإجريك، وقلّها لبيروت الي راقدة بالعناية الفائقة نحنا واقفين برّا بس عمبيقولولنا الزيارة ممنوعة ما عمبيخلونا نفوت نطمن عليها!
اليوم لابستِلك أنا أبيض يا حلوة”.
وكان اللبنانيون قد أحيوا أمس الأربعاء، الذكرى الأولى لانفجار (مرفأ بيروت) الذي وقع في الـ4 من أغسطس/ آب العام الماضي، حيث خرجوا للمطالبة بسرعة محاكمة من تسببوا في هذا الانفجار العظيم الذي راح ضحيته 200 شخصا وتشريد الآلاف.
