عبارات لا تنسى في السينما المصرية
جسدت كثير من المشاهد الخالدة في السينما العديد من المشاعر والمواقف الإنسانية بلغة سينمائية متميزة. حيث يعد الحوار أحد عوامل بناء الفيلم السينمائي، وإن تم الاستغناء عنه في بعض الأحيان. يجب أن يكون للحوار سمات خاصة أهمها العمق والاختزال، من المفترض إصابة الهدف دون ابتذال. لذلك ظلت كثير من الجمل الحوارية في السينما المصرية، في ذاكرة الجمهور العربي، كونها اختزلت العديد من المواقف والمشاعر التي تعبر عنهم، في كبسولة حوارية. معا سنتذكر مجموعة من أبرز هذه الجمل مجازا لا حصرا، ضمن عدد لا متناهٍ من الإبداع.
أرض الخوف
المعلم هدهد: «ربنا عمل علينا واجبات وحمول لازم نشيلها.. منها اننا أحيانا بنقتل.. أنا مؤمن أن من يقتل يقتل.. وعارف أني هموت مقتول بس ده هو الثمن اللي لازم ادفعه».
فيلم «أرض الخوف» تأليف وإخراج داوود عبدالسيد، ومن إنتاج سنة 2000.
الكيف
مزاجنجي: «لازم ندوش الدوشة بدوشة أدوش منها عشان ما تدوشناش» – صلاح أبو العزم: «اقتناعي الشخصي أو عدمه لا يغير من الحقيقة في شيء».
فيلم «الكيف» تأليف محمد أبو زيد، إخراج علي عبدالخالق، وإنتاج سنة 1985.
الإرهاب والكباب
حوار بين مواطنان في أتوبيس نقل جماعي:
– «طيب.. مافيش حاجة هترخص؟
– «حجات كتير هترخص وتبقى بسعر التراب.. أنا وانت والأستاذ وحضراتكم أجمعين»
هلال: «أنا مش في خدة الوطن.. أنا في خدمة الباشا سيادة اللوا، وحرم الباشا سيادة اللوا، والعيال البشوات ولاد سيادة اللوا».
فيلم «الإرهاب والكباب» تأليف وحيد حامد، وإخراج شريف عرفة، ومن إنتاج 1992.
النمر الأسود
محمد حسن المصري: «الحجات بتيجي أول ما بنبطل ندور عليها أو نستناها.. المشكلة بقى هل لما هتيجي هنكون لسه جوانا نفس الشغف؟»
فيلم «النمر الأسود» تأليف أحمد أبو الفتح، سيناريو وحوار بشير الديك، إخراج عاطف سالم، ومن إنتاج 1984.
الأرض
محمد أبو سويلم: «والكرامة.. يفضل إيه للبني آدم لما تتهان كرامته».
فيلم «الأرض» تأليف عبدالرحمن الشرقاوي، سيناريو وحوار حسن فؤاد، إخراج يوسف شاهين، وإنتاج سنة 1970.
الإنسان يعيش مرة واحدة
بكري حارس المدرسة: «الدنيا يا ولدي ليها وشين.. أبيض وأسود.. لما تبقى بيضا قدامك افتكر الأسود عشان تسلك، ولما تبقى سوده افتكر الأبيض عشان تقدر تعيش لبكرة».
فيلم «الإنسان يعيش مرة واحدة» تأليف وحيد حامد، إخراج سيمون صالح، وإنتاج سنة 1981.
كشف المستور
سلوى شاهين: «أنا خدمت البلد خدمات كتير جدا، كان المفروض اخد عليها نياشين.. لكن زي ما حضرتك عارف كنا بنشتغل من غير رتب.. المعارك والبطولات بتاعتنا كانت على السراير والملايات الناعمة، والبناء الحسن بتاع الولايا راح وماحدش حس بيه»
فيلم «كشف المستور» تأليف وحيد حامد، إخراج عاطف الطيب، وإنتاج سنة 1994.
الهروب
والدة منتصر عبدالغفور: «كنت تغيب واحلف بكل يمين لما ترجع هاعمل فيك واسوي.. وتو ما تهل عليها وأشوف طلته في عنيك، كل حاجة تروح لحالها وقلبي يصفالك زي ضيا الفجر».
فيلم «الهروب» تأليف مصطفى محرم، إخراج عاطف الطيب، وإنتاج 1991.
طيور الظلام
فتحي نوفل: «القانون زي ما بيخدم الحق بيخدم الباطل.. واحنا الباطل بتاعنا لازم يكون قانوني»
فيلم «طيور الظلام» تأليف وحيد حامد، إخراج شريف عرفة، وإنتاج سنة 1995.
الحب فوق هضبة الهرم
علي عبدالستار: «كلهم كدابين.. وكلهم عارفين انهم كدابين.. وكلهم عارفين اننا عارفين انهم كدابين وبرضو مستمرين في الكدب».
فيلم «الحب فوق هضبة الهرم» عن قصة لنجيب محفوظ، سيناريو وحوار مصطفى محرم، إخراج عاطف الطيب، وإنتاج 1986.
اللعب مع الكبار
علي: اتسرقنا بكل الأشكال يا حسن!
حسن: كويس إن أبو الهول والأهرام لسه ما تسرقوش.
علي: عشان دي حجارة يا حسن
حسن: لازم كل حاجة في بلدنا تبقى حجارة عشان ما تتسرقش.. حتى الحب والروح الحلوة اتسرقوا يا علي
فيلم «اللعب مع الكبار» تأليف وحيد حامد، إخراج شريف عرفة، وإنتاج 1991.
الراقصة والسياسي
الراقصة سونيا: «إيه حكاية رقاصة.. رقاصة.. ما احنا الاتنين زي بعض يا عبدالحميد.. كل واحد فينا بيرقص بطريقته.. أنا بهز وسطي وأنت بتلعب لسانك».
فيلم «الراقصة والسياسي» عن رواية لإحسان عبد القدوس، سيناريو وحوار وحيد حامد، إخراج سمير سيف، وإنتاج سنة 1990.
