عمرو سلامة يرصد 10 أسباب تجعل سمير غانم “أجمد واحد في التاريخ”
بدون مقدمات، عبر المخرج والسيناريست المصري عمرو سلامة، خلال صفحته الخاصة بموقغ التواصل الاجتماعي “فيس بوك”، عن إعجابه الشديد بالنجم الكوميدي القدير سمير غانم، وشرح فلسفته في الحياة، بتقديم 10 أسباب للإجابة عن سؤال: “ليه سمير غانم أجمد واحد في التاريخ؟”، وهي:
1- استحالة يقول جملة من عشر كلمات وماتضحكش.
2- حتى لو كان في فيلم دراما جاد كان بيهرج ومش واخد الموضوع جد.
3- حتى لما مثل أفلام مقاولات خلى بعض أفلام المقاولات تاريخ نتذكره ويتحاكى به.
4- أول فنان مصري يعمل ستانداب كوميدي. (راجع عشر دقايق كاملة يتكلم فيها بمفرده في مسرحية أهلا يا دكتور عن رحلته لفرنسا).
5- ضحكنا طول عمرنا وهو عنده شنب.
6- خلى واحد من أفلامك المفضلة فيلم بيمثل فيه أسوأ مثل على شاشة السينما على الإطلاق .. إكرامي. (راجع فيلم يا رب ولد)
7- خلف دنيا وإيمي.
8- عمل فطوطة وكابتن ميزو.
9- قبل ما يقفل التليفون مع صفاء قال “معلش يا حبيبتي علشان في حاجة غريبة دخلت”. (راجع يا رب ولد برضه). لأنه لما غني موال قال “العريس متين والعروسة متينة” !!! لأنه حتى كان بيهرج بلبسه، وكان بيلبس اللي هو عايزه حتى لو مش لايق على الدور والمكان والزمان.. وماتكسفش يلبس لبس ست عندها بدل صدرها صواريخ.
10- أهم مدرسة فلسفية في التاريخ هي فلسفة “سمير غانم”، وتتلخص في “أخرج عن النص”، النص اللي الحياة بتحطهولنا، وتبنى فكرة “هرج حتى لو مش وقت التهريج”، ماخدش حاجة جد وكأنه بيقول بقصة حياته “لو هرجت أو خدت الدنيا جد في الآخر مش هاتفرق.
واختتم كلامه بأن سمير غانم ليس مجرد ممثل كميدي فقط، بل يعد ظاهرة كونية لن تتكرر، سيقف أمام موهبته علماء التطور، ويعتقد أن بعد سمير غانم، سيبدأ الجنس البشري في التراجع مرة أخرى.
وأضاف “إذا أردنا أن نقدر هذا الرجل ونعطيه حقه، فمن الأفضل أن نتبنى فلسفته “وما نخدش حاجة جد”، والأهم أن نجرج عن النص.. أي نص.
عشر آسباب ليه سمير غانم أجمد واحد في التاريخ. pic.twitter.com/d5KE3ZOK5X
— Amr Salama (@amrmsalama) December 1, 2015
